रावखान्थि

रावखान्थि

1. रावआ माखौ बुङो?

फिननाय: बुहुमनि गेजेराव गोसारलानानै थानाय माखासे हादोरफोराव थानाय सुबुंफोरनि गेजेराव रायज्लायनाय आरो लिरनायनि गेजेरजों सुंज्रोब लाखिनायनि नेमखान्थि।

2. रावआ मानसिनो मानो गोनां?

फिननाय: रावआ ओरैबादि मोनसे बिजोंदि जायनि गेजेरजों मानसिया गावनि गोसोनि साननाय, मोन्दांथि आरो फोरमायनो लुबैनाय बेफोरखौ गुबुननि सिगाङाव गोरलैयैनो फोरमायनो हायो। बेफोर जाहोननि थाखायनो रावआ मानसिनो गोनां।

3. रावखौ मोन बेसे बाहागोआव राननो हायो?

फिननाय: रावखौ गाहायै मोनथाम बाहागोआव राननो हायो बेफोर जाबाय- रायज्लायनाय राव, लिरनाय राव आरो इसारा राव।

4. रावनि गुदि मुवाफोरा मा मा?

फिननाय: राव बिगियानगिरिफोरा रावनि मोनबा गुदिमुवाफोरखौ दिहुनदों बेफोर जाबाय- रिंसारखान्थि, महरखान्थि, बाथ्राखान्थि, हांखोखान्थि आरो ओंथिखान्थि।

5. मुलुगनि गोजामसिन रावनि मुङा मा?

फिननाय: बुहुमनि गोजामसिन रावआ जादों संस्कृत राव। बे रावखौनो मुलुगनि गासै रावफोरनि मादाव 'गासै रावफोरनि बिमा' होननानै बुंनाय जायो।

6. मुलुगाव बेसेबांसो रावफोरा थांनानै दं?

फिननाय: आथिखालाव मुलुगाव स्नि रोजानिबो बांसिन रावआ रायज्लायनाय राव महरै थांनानै दं। बेनि मादाव इंराजि रावआ जादों बुहुमनि बांसिन मानसिफोरजों रायज्लायजानाय राव। गासै 67 था हादोरफोराव इंराजि रावखौ रायज्लायनाय जायो। नैथियाव जादों मान्दारि राव, थामथियाव हिन्दी आरो ब्रैथियाव स्पेनिस राव।

7. बेसेबांसो मानसिया इंराजि राव रायज्लायो?

फिननाय: 1,132 निजुतनिबो बांसिन।

8. बेसेबांसो मानसिया मान्दारि राव रायज्लायो?

फिननाय: 1,117 निजुतनिबो बांसिन।

9. बेसेबांसो मानसिया हिन्दी राव रायज्लायो?

फिननाय: 615 निजुतनिबो बांसिन।

10. बेसेबांसो मानसिया स्पेनिस राव रायज्लायो?

फिननाय: 534 निजुतनिबो बांसिन।

11. बबे हादोराव बांसिन राव दं?

फिननाय: असेनिया हादोरमानि सिङाव थानाय फाफुवा निउगिनि हादोराव बयनिख्रुइबो बांसिन राव दं। बेवहाय गासै 839 निबो बांसिन रावखौ रायज्लायनाय जायो।

12. बबे रावखौ गासै रावनि 'रानि' होननानै बुंनाय जायो?

फिननाय: कानाडा रावखौ गासै रावफोरनि रानि होननानै बुंनाय जायो।

13. रावखान्थि बुंब्ला मा बुजियो?

(What is called Grammar?) 

फिननाय: मोनफा रावखौ बुंनो एबा लिरनो थाखाय थि खालामनानै होनाय नेमखान्थिखौनो रावखान्थि होननानै बुंनाय जायो।

14. थाइलालिया मा?

(What do you mean Adjective?) 

फिननाय: जाय सोदोबमाया मुंमानि मोजां, गाज्रि, दाय आरो गुन बेफोरखौ रोखायै फोरमायो एबा दिन्थियो बेखौनो थाइलालि होननानै बुङो।

15. थाइलालिया गासै मोन बेसे?

(How many adjectives are there?) 

फिननाय: गोबां रावखानथिगिरिफोरा बेनि सायाव खौसेथि गैया। गोबां लिरगिरिफोरानो सोरबा बांसिन आरो सोरबा खम लिरलांदों। गाहायै थाइलालिनि बाहागोफोरा जादों- मुंमानि थाइलालि, थाइजानि थाइलालि, थाइलालिनि थाइलालि ।

16. थाइजा माखौ बुङो?

(What is a Verb?) 

फिननाय: जाय सोदोबमाया मुंमानि जानाय एबा हाबा मावनाय फोरमायो बेखौनो थाइजा होननानै बुंनाय जायो।

17. मुंराय एबा मुंस्लाय बुंब्ला मा बुजियो?

(What do mean Adverb?)

फिननाय: जाय सोदोबमाया मुं एबा बेनि सोलाय बाहायजायो बेखौनो मुंराय एबा मुंस्लाय होननानै बुङो।

18. आथोन बुंब्ला मा बुजियो?

(What do you know about Gender?) 

फिननाय: जाय सोदोबजों जो आरो जोला बेफोरखौ थियै फोरमायो एबा दिन्थियो बेखौनो आथोन होननानै बुंनाय जायो।

19. आथोना गासै मोन बेसे?

फिननाय: आथोना गासै मोनब्रै बेफोर जाबाय- जो आथोन, जोला आथोन, बेसाद आथोन आरो जथुम आथोन।

20. जो आथोन बुंब्ला मा बुजियो?

फिननाय: जाय सोदोबजों जो एबा आइजो माहारिखौ फोरमायो बेखौनो जो आथोन होननानै बुंनाय जायो।

21. रिंसार माखौ बुङो?

फिननाय: मोनफा सोदोबनि हांखो जथायखौनो खौसेयै रिंसार होननानै बुंनाय जायो।

22. मुंमा माखौ बुङो?

(What is a Noun?) 

फिननाय: जाय सोदोबमाया मानसिनि मुं, जुनारनि मुं, मोनफा जायगा बेफोरखौ फोरमायो बेखौनो मुंमा होननानै बुंनाय जायो।

23. सानराइ माखौ बुङो?

(What is a Number?) 

फिननाय: जाय सोदोबमाया मुवा एबा बेसादनि मोनसे एबा गोबां ओंथि फोरमायो बेखौनो सानराय होननानै बुंनाय जायो।

24. सानराइया गाहायै मोन बेसे?

(How many numbers are?) 

फिननाय: सानराइया गाहायै मोननै बेफोर जाबाय- से सानराइ आरो बां सानराइ।

25. से सानराइ बुंब्ला मा बुजियो?

(What do you know about singular number?)

फिननाय: जाय सोदोबजों माबा मोनसे मुवा एबा बेसादनि मोनसेल' एबा हारसिंल' ओंथि फोरमायनाय जायो बेखौनो से सानराइ बुंनाय जायो।

26. बां सानराइ बुंब्ला मा बुजियो?

(What do you know about plural number?)

फिननाय: जाय सोदोबजों गोबां एबा बुरजा ओंथि फोरमायनाय जायो बेखौनो बां सानराइ होननानै बुंनाय जायो।