कम्पुटारआ मोनसे कारेन एबा बेटारिजों सालायजानाय मेसिन। आथिखालाव कम्पुटारआ जोंनि जिउआव गोनांथार मोनसे बाहायजानाय बाहागो। आथिखालाव गोबां खामानियावनो बेनि बाहायथिखौ नुनो मोननाय जायो।
कम्पुटारनि आखुथाइफोरा जाबाय-
(1) गोबां खौरांफोरखौ बेवहाय दोनथुमनो हायो।
(2) जोबोद गोख्रैयै मावफुंनो हायो।
(3) बेयो माब्लाबाबो मेङा।
(4) जोबोद मोजां आरो नांगौबादियै फिथाइ होनो हायो।
कम्पुटारआ गुबुन गुबुन रोखोमनि दं बेफोर जाबाय-
(1) देक्सटप कम्पुटार- बेयो नायनायाव गिदिर महरनि। बेखौ आरांगाव दोननाय जायो।
(2) लेपटप कम्पुटार- बेयो नायनायाव फिसा। बेखौ जों गोसोबादियै गाव गावनि आरांगा आरो बेगफोरावनो दोननो आरो सोनानै लानो हायो।
(3) पामटप कम्पुटार- बेयो नायनायाव जोबोद फिसा आरो गोसो जायोबा जों गाव गावनि सिफियावनो सोनानै लानो हायो।
कम्पुटारनि बाहायनाय
कम्पुटारखौ जों गावनि नआव, फरायसालियाव, मावख', बेंक आरो देहाफाहामसालिफोराव बाहायनो हायो।
कम्पुटारजों सावगारि आखिनो हायो, बिजाब फरायनो हायो, खेला गेलेनो हायो, हांखो सेबखांनो हायो, सानखान्थि खालामनो हायो, मेथाइ खोनासंनो हायो, सेनेमा एबा सावथुनफोरखौ नायनो हायो।
0 Comments