गांसोबारिनि सोमोन्दै मिथिना लानि फै

गांसोबारिनि सोमोन्दै मिथिना लानि फै

(World know about the grassland) 

मुलुगाव गासै मोन जिनैथासो गेदेर गेदेर मुंदांखा गांसोबारिफोर दं। बेनिनो बयनिख्रुइबो देरसिन गांसोबारिनि मुङ जाबाय स्तेपस। बेयो हांगेरिनिफ्रायनो चिन हादोरसिमहालागै गुवार ओनसोल गोसारनानै दं। गांसोबारिया हाग्रामा आरो बालाहामानि गेजेराव थायो। बुहुमखौरांगिरिफोरनि बादिब्ला बुहुमनि गासै हा खालिनि 20-40 जौखोन्दोआनो गांसोबारिजों साग्लोबजानाय। 

गांसोबारिया माखासे रोखोमनि जानो हागौ जेरै-

(1) बिसुबारि गांसोबारि

(2) दुङा सुवा गांसोबारि

(3) दैलोमनाय गांसोबारि

(4) बालाहामा गांसोबारि

(5) गुसु गांसोबारि

बिसुबारि ओनोसोलाव थानाय गांसोबारिया जाबाय फ्रेइरि आरो साभाना।

बुहुमनि मुंदांखा गांसोबारिया जाबाय-

(1) साभाना---गाहायै बेयो आफ्रिका हादोरमानि सिङाव दं ।

(2) स्तेपस

(3) पमपास---- बेयो आरजेन्तिना हादोरनि सिङाव दं।

(4) डाउनस---- बेयो अस्ट्रलिया हादोरनि सिङाव दं।

(5) भेल्ड--- बेयो खोला आफ्रिकानि सिङाव दं।

गांसोबारिनि आखुथाइफोर

(1) एसेल' बिबांनि अखा हानाय।

(2) बोसोरनाङै गोरान बारहावा साग्लोबना थायो।

(3) जायगा जायगा गोरान आरो हासार गैयै हा।

(4) गोरान जायगायाव सम सम हारसिंनो अर जोंखांनाय जायो।

(5) नांगौबादि आबाद एबा फिथाइ सामथाइ मोननो हाया।

गांसोबारि ओनसोलनि खाबुफोर

गांसोबारि ओनसोलाव जुखाम, बारलि, मिलेट बायदि आबादफोरखौ मावनो हायो। गांसोबारि ओनसोला जिब जुनार फिसिनायनि थाखाय गोनांथार। गांसोबारिनिफराय जों मुलुगनाङैनो माखासेमानि आदार दैथायहरनो हागौ। 

बोरमा मेनदा, मैसो आरो मोसौफोरखौ बेवहाय फिनाय जायो। बोरमा मेनदानिफराय उल सि, मोसौ आरो मैसोनिफ्राय गायखेर आरो बेदर दिहुननानै गुबुन हादोरफोराव दैथायहरो।

जिउआरिफोरनि थांनानै थानाय

बांसिनै गांसोबारि ओनसोलाव माखासे जुनारफोराल' थांनानै थानो हायो बेफोरनि मादाव दं- सियाल, लख्रा, मोसा, जिबौ, मैसो बायदि बायदि। बेनि अनगायैबो नेवलाय, एनजर, गुमा आरो उरि बायदि एमफौफोरा थायो।