बेमार आजारफोरनि सोमोन्दै

बेराम आजारफोरनि सोमोनदै

बेमार-आजारफोरा गिलुबालु जिनिस। बेफोर जिब जुनारफोरनाव बायदि सम आरो थासारियावनो गोबां जाहोननि थाखाय जानो हागौ। जोंनि देहायाव सोमजिग्रा आरो जोंखौ गाग्लोबना फोजोबस्रांनो नाजाग्रा बेमारफोरा गोबां रोखोमनि  दं। खायसे बेमारा मानसिखौ अरायनि थाखाय बेंगुरा खालामनानै दोनो, खायसे बेमारफोरा जोबोद गोख्रैयै जायो, खायसे लासै लासै जायो, खायसे बेमारा सासेनिफ्राइ सासे बारदेरो आरो माखासे बेमारा मानसिखौ थाबैनो बुथारनोबो हागौ।

नोंथाङा दासिम बायदि रोखोमनि बेमार आजारजों बुगिनांबाय जानो हागौ। नोंथाङा माखासे बेमार-आजारफोरनि सोमोन्दै मिथिगौदा?

गाहायाव माखासे बेमार आजारफोरनि मुं होनानानै बेनि सोमोनदै सुंद' सुंद'यै फोरमायना होनो नाजानाय जादों।

(क) गाब खाना जानाय: इंराजियाव बेबादि बेमारखौ कालार ब्लाइन्द होननानै बुंदों। बेयो मोनसे रोखोमनि बेमार। बेबादि बेमारजों मोगा-मोगि जानांगौ जायोब्ला मानसिया मोननै गाबखौ नुनो मोनै जायो बेफोर जादों गोजा आरो गोथां।

(ख) थै गैयै बेराम: इंराजियाव बेबादि बेरामखौ एनामिया होननानै बुंनाय जायो। बेबादि बेमारजों मोगा मोगि जानांनाय गोबां मानसिफोरखौ नुनो मोननाय जायो। सरासनस्रायै बेबादि बेरामा मानसिनि देहायाव आइरननि आंखाल जायोब्ला जायो।

(ग) जक्षा बेराम: इंराजियाव बेखौ गुसुङै टि भि बेराम होननानै बुंदों। बेनि आबुं मुङा जादों टिउबार किउलचिच। बेबादि बेमारा बांसिनै मानसिनि बिखा आरो संफ्लआव जायो।

(घ) एइडस: बे बेमारा आथोनजों सोमोनदो गोनां बेराम। बांद्राय आथोन सोलायलायनाय एबा गेलेनायानो बेबादि बेराम जानायनि लैखोन। बेयो मोनसे गिलुबालु जिउ फोजोबग्रा बेराम मानोना जायखिजाया बेरामखौनो बेयो आरजिना लाफायो। दासिमबो बेबादि बेरामखौ हानायसेबां सोखानो हानाय जायाखै। नाथाय खना खनला जायगाफोराव गोबां मानसिफोरानो आथोननि गोजोननाय लानानै बेबादि बेरामखौ गावनि देहायाव सोनानै लायो आरो बुगिनांगौ जायो। आथोन सोलायलायनाय आरो आथोननि लुबैनायखौ दबथायनानै बेबादि गिलुबालु बेरामनिफ्राय हानायमानि सांग्रां जानाया गाहाम।

(ङ) स्कारभि बेराम: मानसिनि देहायाव माखासे भिटामिननि आंखाल जायोब्ला बेबादि बेमारा जायो।

(च) खुख्रि खाना: माखासे प्रटिननि आंखाल जायोब्ला खुख्रि खाना बेरामा जायो। सरासनस्रायै खुख्रि खाना जायोब्ला मानसिया मोनायाव मेगन नुयै जायो। बेबादि बेरामजों बुगिनांनाय जोंनि समाजाव गोबां नुनो मोनो।

(छ) गोलोन्दि: बेबो मोनसे रोखोमनि मानसिनि गोदोनायाव जानाय बेराम। गोलोन्दि जायोब्ला मानसिनि गोदोनायाव दुमावलु जायो। आयदिननि आंखालनि थाखाय गोलोन्दि बेरामा जायो। गाज्रि मुवा सोबनाय आरो जानायनिफ्रायबो गोदोनायाव मैला जानानै गोलोन्दि जानायनि खाबु थानो हागौ ।

(ज) मेलेरिया: बेयो मोनसे रोखोमनि गिख्रंथाव बेराम। एनफिलिस मुंनि थामफैया अरोबा मेलेरिया बेरामा थाबैनो जायो। बेबादि बेरामा जायोबा मानसिया गोब्राब लोमजानाय, खर’ सानाय, गोजांनाय आरो बांद्राय गगा मोननाय जायो। हानायमानि बेबादि बेरामनिफ्राय सांग्रां जानानै थानांगौ ।

(झ) जनदिस: सरासनस्रायै मैला गोनां दै आरो आदार जायोबा बेबादि बेमारा जायो। बेयो मोनसे गिलुबालु बेमार जाय मानसिनि बिगुर आरो मेगनखौ गोमो खालामो।

(ञ) हाइद्र पमिया: बेबादि बेमारा सैमा फाग्ला अरोबा जायो। सरासनसरायै सैमानि हाथायाव बायदि रोखोमनि मैला आरो बिस हाबनानै थायो बेफोर मैलाफोरानो मानसिनि थैजों नांफायोबा बेमार सोमजिनो हागौ। बेबादि बेमार जायोबा मानसिया दैखौ गियो फाग्लाबादि खारलाबायनो एबा गिदिंलाबायनो हमो। दाक्टार खानाफोरनिफ्राइ मिथिनो मोननाय बादिब्ला रेबिसनि दारै बे रोखोमनि बेमारा जायो।

(थ) केनसार: केनसार बेरामा गोबां रोखोमनि दं। सिगारेड आरो थांखु जानायनि थाखाय खुगायाव केनसार बेरामा जायो। केनसार बेरामा जायोबा मानसिया थाबैनो थैयो बेखौ जाजेननाय समावनो सोखानानै लानांगौ।

(त) कलेरा बेराम: बेयो मोनसे रोखोमनि गिख्रंथाव बेराम। बेबादि बेमारा मैला गोनां दै आरो आदार जायोब्ला जायो। सरासनस्रायै बेबादि बेमाराव गोग्लैयोब्ला बेमारिनि मोदोमनि दुंथाइया बारा जायो। मोदोमाव गोजा फिथर जायो आरो देहायाव साखांनाय सोमजिखाङो। थाब थाबैनो खिनाय जायो।