मुलुगनि मुंदांखा खन्थाइफोरनि सोमोन्दै

मुलुगनि मुंदांखा खन्थाइफोरनि सोमोन्दै

(Some masterpiece poerty writings in the world) 

खन्थाइया मोनसे आरिमु । खन्थाइनि गेजेरजों मोनफा मिथिंगानि सावगारि, मोनफा सिमां, मोनफा समनि मानसिनि थासारिनि सावगारि आरो सोरबा सिख्ला एबा सेंग्रानि समायना सावगारिया बेरखाङो। 

खन्थाइगिरिफोरा गावसोरनि मेगनजों नुनाय, गोसोनि साननाय, लुबैनाय, हासथायनाय बेफोरखौनो खन्थाइजों बुङो। खन्थाइगिरिफोरा खन्थाइनि गेजेरजों गुबुननि सिगाङाव गावसोरनि सानस्रिखौ फोरमायो। खन्थाइयाव देंखो थायो, खबाम आरो बिदै थायो जायनि थाखाय मुलुगनि रोजा रोजा मानसिफोरा खन्थाइखौ आवरायनो आरो खोनासंनोबो मोजां मोनो।

मुलुगाव गोबां सुबुंफोरानो खन्थाइ लिरनानै गावसोरनो गेदेमा खन्थाइगिरि होननानै सिनायथि होलांनो हादों। गोबां खन्थाइगिरिफोरा खन्थाइनि गेजेरजोंनो सुबुं समाजनि गेजेराव सोलोंथाइ होनानै सुबुं समाजनि सोलायनाय लाबोदों। खन्थाइयाबोदि एसेबां गोहो दं बेखौ गेदेमा खन्थाइगिरिफोरा मिथिगौ। बेखायनो आथिखालनि समावबो ओरैबादि माखासे खन्थाइगिरिफोर उजिदों जायफोरा सुबुं समाजनो गोजोननाय होनो आरो समाज फोसाबनाय लाबोनायनि थांखि लानानै खनेथाइखौ हाथियार हिसाबै बाहायनो हमदों।

खन्थाइयाबोदि ओरैबादि अनसाय जानाय दं बेखौ दिनै बुंदों मुलुगनि देरसिन होननानै गनायजानाय नबेल बान्थाया। दासिम खन्थाइ लिरनानैनो गोबां खन्थाइगिरिफोरा नबेल बान्था आजावखांबाय। गुबुन गुबुन हादोराव जेरैबादि मोजांथार खन्थाइनि थाखाय बान्था फोसावनाय दायो थिग बेबादिनो भारत हादोरावबो मोजां खन्थाइ सोरजिनायनि थाखाय साहित्य अकाडेमि बान्थाखौ होनाय जादों।

सरासनस्रायै खन्थाइखौ बयबो मोजां मोनो , खनथाइखौबो मिथियो, नाथाय खन्थाइया मा बेनि बेखेवथि होनो हाया जायो। गाहायाव खन्थाइनि बागै सोर गेदेमा सुबुंफोरा मा बुंदोंमोन मोननैसो होनि।

****

मुलुगाव माखासे गेदेर गेदेर खन्थाइमाखौ माखासे लिरगिरिफोरा लिरनानै गालांदों। बेफोर सोरजिया आथिखाल बुहुमनां थासारियाव गासै सुबुंफोरनि थाखायनो मिथिनो गोनां आरो सोलोंनो गोनां जानानै फैदों। गाहायाव माखासे मुंदांखा खन्थाइमा बिजाब आरो बेनि लिरगिरिनि बागै होनाय जादों।

1.डि इपिक अप गिलगामेस--- सिन लेकि उन्निनिन

2. इलियाद---हमार

3.डि अडेसि---हमार

4.महाभारत--- मुलुगनि देरसिन सलन्थाइमा बिजाब। बेखौ भियास बेदआ लिरदोंमोन। गाहायै बे सलन्थाइमाया भारतनि गोजाम जारिमिननि फुंखा। साबा बिदा फंबाय फाण्डब आरो जौसेजोन बिदा फंबाय खौरब हानजानि गेजेराव गिलुबालु कुरुक्षेत्रआव दावहा जानायनि बेवहाय सल' दं। महाभारतनि दावहाया गासै जिब्रै सान जादोंमोन । बे दावहायाव हाजार हाजार मानसिफोरा थैनो गोनां जायो। फोथारा थैजों जाहाबजोबो। दावहायाव साबा बिदा फंबाया देरहानो हायो।

5.डि एनाइद---भारजिल

6.मेथामरपसेस---अभिद

7.डि साहनामेह---पिरघसि

8.बेवउल्प--- बेनि लिरगिरिया सोरमोन बेखौ रोखायै     मिथिनो मोननाय जायाखै।

9. डि नेबेलुंजेनलेइद--- बेनि लिरगिरिखौबो रोखायै मिथिनो मोननाय जायाखै।

10. डि सं अप रलेन्द--- थिउरल्द

11.डि आइसलेन्दिक सागास--- अरलेनद पिउरिवस

12.लुदुभिक---एरिवसट

13.डि डिभाइन कमेडि--- बेखौ लिरदों दान्टे आलेगिरि।

14.डि लुसियादस लुइस---- दे केमयनस

15.डि पेरि कुइन--- बेखौ लिरदोंमोन एडमान्द स्पेनसारआ।

16. पेराडिस लस--- बेखौ लिरदोंमोन जन मिल्टनआ। बे खन्थाइमायाव बाइबेलाव मखनाय गिबि सुबुं सानै आदम आरो इभनि मोजां मोनलायनाय आरो फाफ मावनायनि थाखाय एडेन बागाननिफ्राय होखारहरजानायनि सल'खौ मोननाय जादों।

17. डि रेप अप डि लक---आलेकजेन्डार फप

18.डि इपिक अप मानास भ्लाद---उसाकभ

19.दन जवान---लर्ड बाइरन

20.डि केनतस---इज्रा पाउन

21.रामायण--- बे खनथाइमाखौ लिरदों बालमिकिआ। बे खन्थाइमाया राम आरो रावणनि दावहा नांनायनि सल'खौ लानानै लिरदों। बिमा गदायजों जिब्रै बोसोर हाग्राबारियाव बिसायख' हरजानानै हाग्राबारियाव जोबोद खस्थयै राम, लोगोसे बिथांनि बिसि सिता आरो फंबाय लक्षसमनआ सान हरखौ बारहोहरनो गोनां जायो। अरनबारिनि रायखस आरो माखासे गाज्रि जिबफोरजों बिसोर जुजिनो गोनां जायो। उनाव रामआ बिसि सिताखौ लंकानि राबणजों लंकायाव लांखारजायो। बेहादिनो रामआ अरनबारियाव थाग्रा मोख्रानि हानजाखौ लानानै लंका गाग्लोबो आरो सनानि लंकाखौ सेव हांगार खालामो आरो सिताखौ लाबोफिनो। बेबादिनो रामआ गावनि रायजोसिम गिदिंना फैफिनो।

22.सकुन्तुला: बेखौ कालिदासआ लिरदोंमोन। बेयो दोंसे मुंदांखा थुनफावथाइ। बे थुनफावथाइयाव अभिनप गुप्त आरो सकुन्तुलानि गोथौ मोजां मोननायनि सल' दं।

23. गितान्जलि: गोबां खन्थाइनि जथाय बे खन्थाइ बिजाबखौ मुंदांखा खन्थाइगिरि रबिन्द्रनाथ ठाकुरआ लिरदों। गिबियाव बांला रावजोंनो लिरनाय जादोंमोनब्लाबो बिथाङा गावनो इंराजियाव राव सोलायदोंमोन । 1913 मायथाइयाव बेनि थाखाय रबिन्द्रनाथ ठाकुरआ नबेल बानथा मोननो हादोंमोन।