जाफुंसार जानायनि सोंनाय आरो फिननाय

जाफुंसार जानायनि सोंनाय आरो फिननाय

1. जाफुंसार जानायनि ओंथिया मा?

फिननाय: गोसो गोथारै नों मा लुबैदों बेखौ गोब्राब नाजानायनि गेजेरजों मोनफुंनाय, मोजां हाबा मावफुंनो हानाय आरो मुंदांखा, दोहोनि, सोरजिलु गोहोआव आखा-फाखा जानो हानायानो जाफुंसार जानाय।

2. जाफुंसार सुबुंफोरा सोरखौ बुङो?

फिननाय: जाफुंसार सुबुंआ बिसोरखौ होननानै बुङो जायफोर गावनि सायाव फोथायनायजों सासे नंगुबै रोंगथि गोनां जानो हायो आरो जिउनि थांखियाव देरहासारो। जाफुंसार सुबुंनाव गेदेर थांखि, गोब्राब नाजानाय, सतबांसा आरो थार फोथायसोमनाय थायो। बेबादिनो बियो जिउ दावहायाव देरहासार जानो हायो। जाफुंसार सुबुंआ सासे ओरैबादि सुबुं जाय गोब्राब जेंना-जेंसि, जाथावै, गोफार थांखिनि दारै गावनि नुनाय सिमांसिम जेरैब्लाबो सहैनो हायो।

3. जाफुंसार सुबुंफोरनि आखुथाइफोरा मा मा?

फिननाय: (क) समाजनि मोजां गौथुम एबा आफादफोरजों नांफानाय। बांसिन जाफुंसार सुबुंफोरानो माबा मोनसे समाजारि आफाद एबा गौथुमफोरनि बिबान लानानै खामानि मावो।

(ख) थांखि बेखेवनाय।

(ग) खामानि मावनो थिरांथा खालामनाय।

(घ) गावखौ जोथोन लानाय।

(ङ) जाथावना नोजोर।

(च) बिगियानजों नांफानाय।

(छ) आखाय हमथानानै खरसा खालामनाय। जाफुंसार सुबुंफोरा नाङा फाङा खरसा खालामा।

(ज) फुंआवनो सिखारनाय।

(झ) समजों खारफानाय।

4. मिलियनारि सुबुंफोरा बेसे घन्टा उन्दुयो?

फिननाय: बिल गेट्स, जेप बेजस आरो माखासे मुलुगदांखा गोजौ थाखोनि सुबुंफोरा स्नि घन्टानिफ्राइ दाइन घन्टाहालागै मोनायाव उन्दुयो।

5. बिलियनारि सुबुंफोरा गोबां बिजाब फरायोना?

फिननाय: बिल गेट्स, मार्क जुकेरबार्ग आरो माखासे बिलियनारि सुबुंफोरा गाव हानायसेबां गोबां बिजाब फरायो। गोबांआनो खमै बिजाब फरायो। फिउ रिसार्सनिफ्राइ मिथिनाय बादिब्ला माखासे सुबुंफोरा बोसोराव गां जिस्निनिबो बांसिन गेदेर गेदेर बिजाब फरायो।

6. दोहोनि सुबुंफोरा मा खालामो?

फिननाय: बिसोरो नांथाबो। दोहोनि सुबुंफोरा गावसोरनि रांफोरखौ जानला मोनला खामानियाव बाहायगारा अदेबानि बिसोर मोजां खामानियावसो बाहायो जाय खामानियाव मुलाम्फा दं। बिसोरो मिथिगौदि मुलाम्फा गोनां खामानियाव रांखौ बाहायनायानो रां आरजिनायनि साबि। अखा हानाय समाव रांखौ दोनथुमनाया गोनांथार। मुलाम्फा गोनां खामानियाव रां बाहायनायानो नोंखौ दोहोनि जानायफारसे दैखाङो।

7. आंनि थुलुंगा होनायफोरा मा?

फिननाय: थि समाव सुबुंफोरजों लोगो हमनाय, थांखि एबा थिरांथा। बोसोन होनाय आरो गुबुनखौ गोब्राबै नाजाथाबनो फोरोंनाय। गोदान गोदान आयदानि सायाव सोलोंनाय। सोरजिलु सानस्रिखौ जाफुंसार होनाय एबा गोदानै सोरजिनाय।

8. माबादि थुलुंगाखांहोनायफोरजों नोङो गुबुनखौ मदद होनो लुबैयो?

फिननाय: समाजारि आखुथाइफोरजों गुबुनखौ मदद खालामनायाव गुबुना मुलाम्फा मोनो जेरै- दान होनाय, मावसोमनाय आरो थुलुंगा होनायजों थार अननाय। बेफोरजों नोङो नैथि सुबुंफोरखौ जायखिजाया मोजां हाबानि थाखाय थुलुंगाखांनाय होनो हागौ।

9. गोरिब सुबुंआ माबोरै दोहोनि जानो हागौ?

फिननाय: दावगानाय, जौगानाय आरो मोजां खामानि जेराव नोंनि आरो नैथि सुबुंनि थाखाय मुलाम्फा जायो बेबादि खामानिखौल' माव। मुलाम्फा गोनां खामानिनि अनगा जेखौ मावोब्ला खहा जागोन बेबादि खामानिखौ दामाव। गोबां समावनो सुबुंफोरा गावसोरखौ गोरिब होननानै सानो आरो गावनि गोसो आरो देहा मोननैखौबो नारदामब्लेना दोनो जेराव सोरगिदिं गोरिब सुबुंफोरा बेंथानानै थायो। गोरिब थासारिनिफ्राइ सिखार, ओंखारबो जुदि नों गोरिब सुबुंफोरखौ बेबादि थासारियाव थाबाय थानायखौ लुबैया। गोरिब सुबुंफोरजों थाफाबाय थायोब्ला नों माब्लाबाबो गावखौ दोहोनि खालामनो हानाय नङा।

10. सानैसो जाफुंसार सुबुं सोर सोर मिथिगौदा?

फिननाय: बिल गेट्सनि मुंखौ बयबो मिथिगौ। बिथाङा सासे फालांगिरि महरै मुलुगावनो मुंदांखा आरो जाफुंसार। नेटवर्कजों सोमोनदो गोनां थामहिनबा फाननो हानाय माइक्रस्कपखौ बिथाङा गायसनदोंमोन। मुलुगनि गासै सुबुंफोरनि मादाव बिथाङा सासे दोहोनिसिन सुबुंफोरनि मादाव सासे। 2020 मायथाइनि एफ्रिल दाननि हिसाब बादिब्ला बिथांनि रांआ गासै 99.5 बिलियन आमेरिकानि दलार। एमाजन कम्पानिनि बिगोमा जेप बेजसनि रांआ गासै 117.2 बिलियन । बिथांमोनहा फालांगिरि हिसाबै मुंदांखा आरो जाफुंसार सुबुं। आलबार्ट आइसन्टाइनआ सासे सानथौगिरि आरो बिगियानगिरि होननानै जों मिथिगौ। बिथांआ सासे बिगियानगिरि महरै गोबां मुवा बेसादनि सायाव गोब्राबै नायबिजिरदोंमोन। नाथाय बिथांआ बुहुम बोगथाबमा गोहोनि बुंफोरथिनि सायाव नायबिजिरग्रोनायनि थाखाय बांसिन मुंदांखा आरो जाफुंसार सुबुं। बिथांनि नायबिजिरनायनि गेजेरजोंनो गोबां बिगियानगिरिफोरा बुहुमखौ गोदान नोजोरै नायनो हादों आरो हानायमानि गोदान गोदान मुवा बेसादफोरखौ दिहुननो हादों जेरै- निउक्लियार बमा आरो निउक्लियार इनारजि (गोहो) फोरा मख'जाथाव।

11. नेइल आर्मष्ट्रंआ सोरमोन मिथिगौदा?

फिननाय: नेइल आर्मष्ट्रंनि मुंखौ बयबो खोनाबाय। बिथांआ सासे अख्रांमा बिगियानगिरि थामहिनबा अख्रांमा फण्डित महरै जाफुंसार सुबुं। अख्रांमा दावबायारि होननानैबो बुंजायो। बिथांआ गोब्राब नाजानाय आरो जोबनो गैयै साहसनि गेजेरजों बयनिबो सिगांसिन अखाफोराव आगान हैजेनदोंमोन। बिथांनि जिउनि थुलुंगा आरो गोहोमावनो भारत हादोरनि आइजो कल्पना चाउलामोनबादि आइजोआबो अख्रांआव आगान हैनो हादोंमोन।

12. गेलिलिउनि मुंखौ खोनाबायना?

फिननाय: गेलिलिउनि मुङा मुलुगाव जेब्लाबो मुंदांखा। बिथांआ सासे बिगियानगिरि महरै जाफुंसार। बयनिख्रुइबो सिगांसिन टेलिस्कप दिहुननानै बिथाङा मानसिफोरनि गोनो गोथोखौ फोरमान खालामदोंमोनदि सानआ नङा, बुहुमासो साननि सोरगिदिं गिदिङो।

13. सार आइजाक निउटननि मुंखौ खोनाबायना?

फिननाय: सार आइजाक निउटननि मुङा बिगियाननि बाथ्रा बुंनो थाङोब्ला हरखाब गोसोआव फैयोदि बिथांआ सासे बिगियानगिरि महरै जाफुंसार। बिथांआ खारथाइ बिखान्थि आरो गेजेर बोगथाबमानि बुंफोरथि दिहुनदोंमोन।

14. कल'नेल हारलेण्डआ सोरमोन?

फिननाय: कल'नेल हारलेण्ड बिथांआ सासे आमेरिकानि फालांगिरिमोन। केंकुकि प्राइ सिकेन रेस्टुरेन्ड खुलिनानै बिथांआ सासे मुंदांखा आरो जाफुंसार जानो हादोंमोन। बिथांआ आमेरिकानि देरसिन मानबानथा केंकुटि कल'नेल मोननो हादोंमोन। बिथांनि मुङा दाबो कम्पानिनि नेरसोन जानानै दं।

15. प्रेद आस्टाइरनि मुंखौ खोनादोंना?

फिननाय: प्रेद आस्टाइर बिथांआ सासे आमेरिका हादरनि मुंदांखा आरो जाफुंसार मोसाग्रा, मोसानो फोरोंग्रा, देंखो दामग्रा, देंखो रोजाबगिरि आरो फावखुंगुरमोन। स्निजि बोसोर बिथांआ बानाय आरो आंगायनाय गैयाजासे स्निजिद' बोसोर सावथुननि खामानियाव नांथाबदोंमोन। बिथांआ सासे गोहोम गोनां आरो गनायजाथाव सुबुंमोन सावथुन मुलुगनि। थैनाय समसिम बिथांनि रांआ जि मिलियनमोन।

16.स्टेपेन हकिंआ सोर मिथिगौदा?

फिननाय: स्टेपेन हकिं बिथांआ आमेरिका हादरनि सासे मुंदांखा आरो जाफुंसार सल'मा लिरगिरि। बिथांनि बिजाबफोरा दासिम 350 मिलियन गां फानजादों। बिथांआ गासै दजिथा गेदेर गेदेर सल'मा आरो गांद' सल' गैया रायथाइ  बिजाब लिरबाय। बिथांनि बिजाबफोरा आबुं सावथुन,टिभि आरो रंजाथाव बिजाबफोराव बाहायजादों। दासिम बिथांनि रांआ 400 मिलियन आमेरिकानि दलार आरो बेनि दारै बिथांआ मुलुगनि गोजौ सारिनि जाफुंसार आरो गोहोम गोनां लिरगिरि।

17.उइलियाम सेक्सपियेरआ सोरमोन?

फिननाय: उइलियाम सेक्सपियेरनि मुंखौ मुलुगनि बयबो मिथिगौ। बिथांआ साबसिन ब्रिटिस लिरगिरि आरो मुलुग थुनलाइयाव साबसिन थुनफावथाइ लिरगिरि होननानै मुंदांखा आरो जाफुंसार। बिथांनि बांसिन सोरजिफोरानो गोथौयै जिउ, मोजांमोननाय, थैनाय, खिथिर, बुथारनाय, जादु मन्थ्रनि सायाव लिरनाय। बिथांनि बुहुमदांखा थुनफावथाइफोरा जादों- मेकबेट, रमिअ' जुलियेट आरो हेमलेट बेफोर मख'जाथाव।

18. रबिन्द्रनाथ ठाकुरआ सोरमोन?

फिननाय: रबिन्द्रनाथ ठाकुरनि मुंखौ बयबो खोनाबाय। बिथांआ भारत हादोरनि सासे बेंगलि खन्थाइगिरि, सल'मागिरि आरो महरगिरि। एसिया हादोरमानिफ्राइ बिथांआनो मुलुगनि देरसिन नबेल बानथाखौ मोननो हादोंमोन 1913 मायथाइयाव गोजौ माननि गितान्जली खन्थाइ बिजाबनि थाखाय। आथिखालाव बिथांआ मुलुगनां खन्थाइगिरि होननानै मुंदांखा आरो जाफुंसार। भारत आरो बांलादेस मोननैबो हादरनि हादोरारि मेथाइखौ बिथांआ सुजुदोंमोन।

19. दोहोरोमगुरु जिसु कृष्टनि सोमोन्दै मा मिथिगौ?

फिननाय: जिसु कृष्टनि मुंखौ रावखौ खोनायै गैलिया। सासे दोहोरोम फोसावगिरि महरै बिथांआ मुंदांखा आरो जाफुंसार। दासिम मुलुगनि मानसिफोरा बिथांखौ इसोरनि समान मान होयो थामहिनबा बिथांखौ इसोर आरो फोरबु होननानै बुङो। बिथांआ कृष्टान दोहोरोमखौ फोसावजेनदोंमोन आरो दिनै बिथांनि फोसावलांनाय दोहोरोमखौनो मुलुगनि बांसिन सुबुंआ अनसायनानै लादों।

20. महात्मा गान्घीनि सोमोनदै मा मिथिगौ?

फिननाय: महात्मा गान्घीया अहिंसा खान्थिनि गेजेरजों सोमावसारनानै भारत हादोरखौ बिगुर गोजाफोरनिफ्राइ उदांस्रि खालामो। भारत हादोराव थानाय गासैबो हारि हारिसा गासैखौबो बिथांआ समानै नायोमोन। बेनि थाखायनो बिथांखौ माहारिनि बिफा होननानै बुंनाय जादों। सासे हिंसा गैयाजासे उदांस्रि सोमावसारग्रा महरै बिथांआ जाफुंसार आरो मुंदांखा। आथिखालाव मुलुगनाङै अहिंसा खान्थिया अनसायजादों।