फुजा आरो रंजाथाय फोरबोनि सोमोनदै

दिवालि

दिवालिखौनो आरोबाव दिपावलि होननानैबो बुंनाय जायो। बेखौ सोरांनि फोरबो ( Festival of Lights) होननानैबो मिथियो। बेयो मोनसे हिन्दुफोरनि फोरबो। हिन्दुफोरनि गेजेराव मोनसे गोनांसिनथार फोरबो। बांला फानजामुथिनि खाथि दान आरो इंराजि दाननि अक्टबर चदानआव बेखौ फालिनाय जायो।

भारत हादोरनि मोनसे जोबोद मुंदांखा फोरबो बे दिवालि फोरबो खोमसिनि सायाव सोरांआ देरहानाय, गाज्रिनिफ्राय मोजाङा देरहानाय, आरो नेवसिनायनिफ्राय गियाना देरहानाय ओंथि फोरमायो।

बे फोरबोआ गोबां हिन्दु मोदाय आरो मोदायजोफोरजों सोमोनदो दं देरै दोहोननि मोदायजो लोखि, गियान आरो जेंना जेंगोना बोखारग्रा मोदाय गनेस आरो सिता, राम, बिसनु, कृष्ण, दुर्गा, सिब, कालि, हनुमान, कुबेरा, जम, बिस्वकर्मा बायदि बायदि।

मोनसे मख'जाथाव बाथ्राया जादों बे फोरबोआ फालिजादोंमोन जेब्ला रामआ जिब्रै बोसोर हाग्रायाव बनबासाव थानांनायनि उनाव लंकानि रावनखौ फेजेननानै गावनि रायजो अजैदायाव गावनि बिसि सिता आरो फंबाय लक्समनखौ लानानै फैफिनदोंंमोन ।

दिवालि फोरबोआव जेवारि बाथि फोजोंनाय जायो, बायदि रोखोमनि गाबनि सोरांजों लामा सामायाव सोरां फोजोंनानै समायसार होनायखौ नुनो मोनो। आथिखालाव गोबां सुबुंफोरानो खुसिजों हाथाय एथम बमा बायनानै गावो आरो सोरगिदिं गोमसार होयो।