आसाम रायजोनि सोमोन्दै

आसाम रायजोनि सोमोन्दै

(About the Assam state) 

आसामा भारत हादोरनि सिङाव आरो सा -सानजा भारतनि सिङाव थानाय गंसे रायजो। आसामनि रायजोनि साखाथि फाखासे गोबां रायजो आरो माखासे हादोरफोरा नांजाबनानै दं। आसामनि साहाजों भुटान हादोर , अरुनाचल रायजो, सानजाजों नागालेणड रायजो, मनिपुर रायजो, खोलाजों मेघालय, त्रिपुरा, मिजराम, बांलादेस हादोर दं आरो सोनाबजों दं सोनाब बंग रायजो।

आसामा गंसे रायजो जाय रायजोखौ गोदोनि समाव कामरुप होननानै मिथिनाय जायोमोन। आसामनि थागिबि हिसाबै बर' हारिया बेनि गुदि। नाथाय आथिखालाव आसामखौ टाइ फोलेरनि आथिखालाव गावसोरखौ असमिया हारि हिसाबै सिनायथि होनाय बिथांमोनहा बर'फोरखौ लाफानानै खुंगासिनो दं।

गाहायै बर' आरो आहमफोरानो आसामखौ गोबाव सम खुंबोदोंमोन। भारतआव इंराजफोरा हाबफैनायनि उनावनो भारतनि आसार-खान्थि आरो रायजो खुंनायनि मुस्रिया सोलायदोंमोन। गोबां रायजोफोरा इंराजफोरजों सेनानै लाजादोंमोन। बेबादिनो 1826 मायथाइयाव आहम रायजोआ इंराजफोरनि आथिं सिङाव थाङो। 1830 मायथाइयाव बर' रायजोआबो इंराजफोरनि आथिं सिङाव थांदोंमोन।

इंराजफोरा बेसेबांबा बोसोर भारतखौ खुंनायनि उनाव 1947 मायथाइयाव भारतखौ नागारनानै थांफिननो गोनां जादोंमोन। उदांस्रि उन समनिफ्रायनो गासै भारतनि रायजोफोरा आलादा रोखोमै नुजाथिदोंमोन। भारतनि मोनफ्रोमबो रायजोआनो राजाजों खुंजानाय जायाखिसै। भारतआ आथिखालाव सुबुंजों खुंजानाय मोनसे गेदेर हादोर।

गोबां हारि , हारिसानि थुबुर थाखुलि आसामा 1950 मायथाइनि 26 जानुवारिखालि गंसे भारतनि रायजो होननानै गनायजायो। बायदि हारि आरो हारिसानि थाखुलि बे आसाम रायजोआव दासानदि सोर मा जानानै दं मिथिनानै सानाय गोनांथार।

1972 मायथाइसिम दानि मेघालया रायजोआबो आसामजोंनो दंमोन। आसामनि राजथावनिया सिलंमोन। 1973 मायथाइयाव आसामनि राजथावनिखौ सिलंनिफ्राइ लाबोनानै दिसपुरआव फसंनाय जायो।

गासै हा खालि--- 78,438 बर्ग किल' मिटार

गासै जिल्ला--- गं 35

राजथावनि---दिसपुर

सं मेथाइ---अ मर आफनार देस (अ' आंनि आंगो हादोर)

गासै सुबुं अनजिमा (2011 मायथाइनि खारि बादियै)--- 31,169,272

गोजौ बिजिरसालि--- गौहाटी गोजौ बिजिरसालि

आसामनि गिबि मन्थ्रि---ड० हेमन्त बिस्व सर्मा

बिधान सबानि बुंथिगिरि--- बिस्वजिद दैमारि

लेङाइ बुंथिगिरि--- नुमाल ममिन

गिबि नेहाथारि--- फबन कुनार बरठाकुर

रायजो बेंगिरि--- जगदिस मुकि

सोलोंथाइ बिफाननि मन्थ्रि--- रन'ज पेगु

सावस्रि आदार जागायनाय बिफाननि मन्थ्रि--- रनजित कुमार दास

हान्था मेला आरो रोगाथाय बिफाननि मन्थ्रि--- चन्द्र महन फाटवारि

दै जगायग्रा आरो सुबुं फोनांजाब बिफाननि मन्थ्रि--- फिजुस हाज'रिका

सावस्रि आरो नखर जौगाखां बिफान---  किसब महन्त

आबाद बिफाननि मन्थ्रि--- अतुल बरा

दानाय लुनाय आरो हा रैखाथि बिफाननि मुन्थ्रि--- उर्खाव गोरा ब्रह्म

समाज आरो रांखान्थि जौगाखां बिफान---अजन्ता नेवग

गौहाटी नोगोर जौगाखां बिफाननि मन्थ्रि---असक सिंहाल

साहा बागानियाफोरनि जौगाखां बिफाननि मन्थ्रि--- सनजय किसान

गोजौ बिजिरसालिनि गाहाइ बिजिरगिरि--- रसमिन मनहरभाइ चाहया

जाब्रबथाय बिफाननि मन्थ्रि---जगेन महन

गेलेनाय आरो लाइमोन जौगाखां बिफाननि मन्थ्रि--- बिमल बरा

नोगोरनि सोमोन्दै

आसामनि देरसिन आरो बांसिन सुबुं अनजिमा थानाय नोगोर---गौहाटि

आसामनि माखासे मुंदांखा नोगोरफोरा जाबाय---बंङाइगाव, रंगिया, कक्राझार

माहारियारि हाग्राफोरनि सोमोन्दै

(About the National Parks in Assam) 

आसामाव दासिम गासै गं स्निथा माहारियारि हाग्राफोर दं , बेफोरो जाबाय।

1.काजिरंगा माहारियारि हाग्रामा (Kaziranga National Park) 

2.मानास माहारियारि हाग्रामा (Manash National Park)

3.अरां माहारियारि हाग्रामा (Orang National Park) 

4.दिब्रु सायक'वा माहारियारि हाग्रामा (Dibru Saikhowa National Park) 

5.नामेरि माहारियारि हाग्रामा (Nameri National Park) 

6.दिहिं पाटकाइ माहारियारि हाग्रामा (Dihing Patkai National Park) 

7.राइमना माहारियारि हाग्रामा (Raimona National Park)